Стихотворба и Слика / Poem and Picture
:: Владимир Лукаш :: Михаела Штрумбергер ::
Vladimir Lukash :: Michaela Strumberger
Последно писмо
Пишувам А и мислам на анархија
Пишувам Б и мислам на болка
Пишувам В и мислам на вина
Пишувам Г и мислам на гилотина
Пишувам Д и мислам на двобој
Пишувам Ѓ и мислам на ѓубре
Пишувам Е и мислам на еутаназија
Пишувам Ж и мислам на жигосување
Пишувам З и мислам на заседа
Пишувам Ѕ и мислам на ѕрцки. извадени
Пишувам И и мислам на иљач
Пишувам Ј и мислам на јамка
Пишувам К и мислам на казна
Пишувам Л и мислам на локва. крв
Пишувам Љубов и мислам на тебе
Пишувам М и мислам на масакр
Пишувам Н и мислам на ноќ
Пишувам Њ и не мислам на ништо
Пишувам О и мислам на одмазда
Пишувам П и мислам на пичвајз
Пишувам Р и мислам на ‘рѓа
Пишувам С и мислам на самоубиство
Пишувам Т и мислам на татковина. туѓа
Пишувам Ќ и мислам на ќумез
Пишувам У и мислам на уста. затворена
Пишувам Ф и мислам на фалсификат
Пишувам Х и мислам на хунта. воена
Пишувам Ц и мислам на целибат
Пишувам Ч и мислам на чемер
Пишувам Џ и мислам на џагор. логорски
Пишувам Ш и мислам на штама
Михаела Штрумбергер :: Обожувач
